上個週末當大家都凍到唔願郁，想踩單車又怕條路結咗冰跣到 XX 之際，有外國見慣世面嘅單車友諗到一條絕世好橋，將條單車胎變雪胎，踩單車就唔怕跣喇！

話說外國生活的朋友，尤其是揸車嘅，當遇到落雪要揸車嗰陣，除咗要換條雪地胎之外，仲要加一條叫做雪鏈嘅東東，其實就係一卷鐵鏈，可以完美咁套上車胎度，咁樣部車晌雪地行嗰陣，有雪鏈的輪胎就可以增加同地面嘅摩擦力，部車就會變得更咬地，雪地斜路就更容易剎停部車，唔使跣嚟跣去。

外國嘅朋友，當遇上落雪又要出入雪山時，就會幫輪胎加上雪鏈，咁做當部車晌雪地行緊嗰陣，就加以加強輪胎同冰面 (地面) 嘅摩擦力，會容易啲剎停部車！咁就唔怕因為條路太跣而行唔到喇！

只可惜，差唔多嘅嘢無晌單車出現，甚至係踩單車嘅你，都唔會綁條鐵鏈晌部單車度啦！咁要上大帽山睇雪點算呢？唔怕嘅！外國就有人諗到，只要用我哋個個都有嘅索帶 ( 要大量，同唔要幼身短身呀！)，之後慢慢將索帶卷住輪胎同輪圈，卷足成條胎，咁樣就可以將普通單車胎 ｢加雪鏈｣！呢樣做法不單只成本超平，你更加唔使勞師動眾搵條單車雪胎返嚟換！而且唔要嗰陣就咁剪返走索帶就得，得咗！

要幫單車加 ｢雪鏈｣ 真係無乜辦法，但好似圖中咁用 N 咁多條索帶索住部車，又好似得喎喂！

但小編睇到最後，先見到呢個方法只可以晌碟剎嘅單車上面用，其他單車係唔可以用嘅，例如傳統夾式剎車的單車 ( C夾、V夾......)，因為索帶係會經過鈴框，當你要剎車嗰陣，個 Brake 同條索帶就會相撞，結果......你明的......

要 DIY 單車雪鏈好簡單，就係先放少少胎氣，然後用 N 咁多條索帶慢慢索上，卷實車胎同車輪！搞掂！要拆就就咁剪返走就得喇！呢個自製雪胎唯一有難度嘅，就係要付出無限耐性慢慢索晒上轆......

完成品！但要留意，唔好用落用夾剎車的車輪 ( 總之剎車嗰陣要掂到鈴框嘅都唔得 ) ！千祈唔好！小編唔係要剝削你索索帶上車鈴嘅自由，而係咁做真係危險！你要夾硬嚟嘅話有事自負！

相關網站：Make sonw tires for your bike with zip ties!