踩單車去 Camp? 拖個 Wild Path Camper 就得!
Nov 19, 2015 - 開心Share  

大家可能都知道,外國好興假日時,駕車拖住一個 Camper Van 到郊外 「露營」,而這個 Camper 現在不只得汽車可以拖,連單車都可以拖喇!

位於丹麥的 Wild Path Camper Company ( 又係丹麥!) 是一家專門制造單車拖架的公司,而其中一年產品就是 Wild Path Camper!這是一個可摺式露營拖架,「上路」 的時候,Wild Path Camper 就可以摺合,令體積減半方便用家拖車。你可能問,咁 Wild Path Caper 會否很大部同好重呢?其實摺合時,它的體積約是 99 x 130 cm,當然在香港的情況下,穿插單車徑是較為笨重,但相信都較單車徑中常見的四人家庭單車為細。而 45kg 的重量就不算輕不算重,踩起來負擔應該都不會太重。

拖住 Wild Path Camper 的單車,大小其實跟一部三輪單車相若

 

到達目的地後,就可以把對摺的 Camp 反起,多出好多空間!

 

當到達營地時,你就可以張開 Wild Path Camper,此時拖架就會搖身一變成為一個 99 x 260cm,高 130cm 的營房!你可以把營房變成一個可坐四個人,加一張飯桌的小飯廳,又或者可以瞓 2.5 個人 ( 其實小編唔明點解係2.5 個人......) 的床!另外 Wild Path Camper 的床下底位置亦有一個約 300L 的儲存空間,可以擺放不同行李又或者去 Camp 必需品。當然,你亦可以加設廚房套裝、室外野餐套裝 ( 其實是一套可掛於 Camp 外的摺櫈及摺枱 )、太陽能供電套裝等。其實睇落用 Wild Path Camper 去 Camp 都幾吸引!

平時的 Wild Path Camper 可以是一個小飯廳

到要入睡時,就可以變成一張床!可以瞓 2.5 個人架! ( 都係嗰句,小編唔明官方點定 2.5 個人呢樣嘢出嚟.....)

有廚房套裝及戶外套裝,就可以野餐了!

襯秋高氣爽,踩著單車拖著 Wild Path Camper 去郊外草地露營,睇睇星星,遠離煩囂,不失為一個好好的假日活動!

好了!回到現實,講講價錢喇!基本的 Wild Path Camper 由 EUR €3,500 起 ( ~HKD $29,530 ),視符你的需要,加裝其他配件,價錢就會提高;例如 EUR €250 ( ~HKD $2,110 ) 的廚房套裝或戶外套裝,EUR €1,050 ( ~HKD $8,860 )的太陽能供電套裝,到 EUR €2,065 ( ~HKD $17,420 ) 為 Wild Path Camper 配上任何顏色等。

想買?先要注意運費,因為價錢未計運費;你的單車可不可以拖車架?同埋最重要:運輸署!雖然運輸署無明文規定單車不可以拖車架,但當見到的時候,他們或者就會諸多阻撓......但想深一層,如果可以拖著 Wild Path Camper,到郊外例如西貢或者新界西北露營,應該幾好玩架!

據運輸署所示,單車不能拖著其他單車或車輛前進。Wild Path Camper 算不算是車輛,小編不能揸主意呀,要問問官員們佢哋點睇喇......心情好的話,咪當係貨物,心情不好的話......

介紹短片:

相關網址:Wild Path Camper / 運輸署 - 騎單車注意事項




Share
分享至 facebook

讀者投稿

誠意邀請各位以文字、相片甚至影片,跟大家分享有關單車的事!
題材不限,隨便發揮,內容如路線靚相、經驗之談、遊記趣聞、買車改車等亦可。
內容版權歸作者所有,亦歡迎留下大名 / 筆名,以供萬民歌頌。XDD

投稿方法:請把以下檔案電郵至 submit@15km.hk:
- 內文 (Word / 純文字)
- 圖片 (JPG, 600px 或以上更好)
- 影片 (eg: Youtube link)
- 閣下姓名及聯絡方法

註:15km.hk 保留最終刊登、修改權利;投稿文章皆為作者本人立場。


相關文章
無位放車不再是理由!Corridor Bicycle 典雅現身
無位放車不再是理由!Corridor Bicycle 典雅現身
漫遊城市小玩意:單車專用導航器
漫遊城市小玩意:單車專用導航器
Air Donkey 把你的單車出租變成 Uber Bike!
Air Donkey 把你的單車出租變成 Uber Bike!
70 米荷蘭太陽能單車徑 產電夠一人家庭用一年
70 米荷蘭太陽能單車徑 產電夠一人家庭用一年
新年必備節目 大冷細冷行大運
新年必備節目 大冷細冷行大運