七年前政府提出興建超級單車徑，雖然說不上是世紀工程，但把原有斷開的單車徑連接，這個利民、實際、「掂地」的工程，絕對是近年罕有的佳作。就性質來說，單車既是運動、亦是交通工具，單車徑 (或任何單車使用的道路) 更是不少國際城市規劃必備的元素，打造超級單車徑，可謂情理兼備。

不過七年後的今日，隨著分段工程嚴重延誤、遇環保技術問題而「自撤」(詳見《一拖再拖，拖到撤建單車徑?》)、因為多斜路就放棄規劃等等，超級單車徑就只是一個泡影。近日一篇以《屯荃段主幹線擱置 超級單車徑「經脈盡斷」》為題的新聞報道，再一次反映政府對香港單車發展的不重視，而最令一眾單車愛好者或市民失望的，更是政府那種消極、迎難而「縮」的作風。

筆者跟很多單車愛好者一樣，以為終有一日可以輕鬆由荃灣踩到馬鞍山 (踩馬路被汽車壓線、上落行人路被人告除外)，作為一個小市民，對於這個胎死腹中的超級單車徑，心感惋惜。而作為 15km.hk 一員，亦只好盡量在網絡上收集各方面有關的 comments，好讓各位單車友知道大家的看法；亦假如有記者朋友、議員們看到此文，希望能進一步為此發聲！

以下 comments 摘自 Facebook 群組，數量太多，未能盡錄：
(為尊重及保障私隱，不具名摘錄)

• 無經濟收益嘛
• 一早對呢個垃圾政府無乜期望
• 呢個政府真係做到嘢，無得頂。
• 應做的唔去做 ; 唔想佢做的則"迎難而上"地同市民對著幹！
• 響「做得差」呢方面，政府係做得無與倫比地好
• 台灣就快完成單車國道
• 如果d膠官有玩sim city就唔會做得咁差啦， 佢地都唔係為左個城市， 只是當做提款機
• 頂等左九萬幾年你同我講單車徑不存在！？
• 屌 等左咁撚耐依家先話唔起 食屎啦
• 咩港島單車徑連影都無啦
• 青公到時起得單車徑黎，咪又係斬到一節節兼超窄。。。前車可鑑
• 就算起到都窄到踩唔到，晒氣
• 對呢個政府有點期望的，都是自討沒趣的行為。
• 要落車推既單車俓起黎托
• 三跑跌個零頭夠起條單車徑比香港市民用，無能政府！
• 我唔覺元朗去上水有做過野囉，元朗去屯門都冇，最多粉嶺去大埔叫做過，不過手工好差，我估十年內條路會好殘好爛。
• 冇錢賺仲要起條路比你行。佢肯起都偷笑啦
• 讓讓都斷開一碌碌!好似香港政府咁,但係啲大白象洗到窮都可以繼續洗!地鐵高鐵...等點超點洗都得! 青馬大橋冇單車徑又話怕人跳橋!單車徑一碌碌佢又話冇錢建!!!!?
• 果d咩高鐵、三跑、港珠澳吖.....難? 心照啦~ 明咖喇
• 忍唔住妖一聲
• 之前都傳過深井某屋苑居民話如果海皮起單車徑會俾人睇晒兼阻佢海景...
• 阿乜生，高鐵、三跑仲多人反對啦，睇下政府幾有決心
• 政府話呢啲工程得本地人用, 大陸人無份用, 又無水CAP, 所以無心做
• 機場三跑造價成千億，空域使用，填海環保，呢d問題又咁有決心去解決起條單車徑都咁多籍口，呢個政府係為市民服務定係為左利益服務！！
• 無經濟收益嘛
• 一句講晒……土地問題
• 如何向政府提出我們單車友訴求？
• 為汽車要擴闊路面？斬樹囉；
  取消建設單車徑，因為唔想斬樹！
  “We can kill trees for cars but not for cycling - What city are we building?”

資料來源：《屯荃段主幹線擱置　超級單車徑「經脈盡斷」》