香港 Bike Sharing 曙光?西九海濱長廊自助租單車實況!
Dec 14, 2013 - 單車新聞 , 精選文章  

大家去過外國旅行,尤其是台北,都可能會羨慕他方有自助租單車計劃。香港都好快會有!

西九海濱長廊於明年 ( 2014 年 ) 1 月就會開展自助租單車計劃,讓市民或者遊客可以於長廊內享受踩單車樂趣。而於今明兩日 ( 12 月 14、15 日 ) 的 「自由野」 藝術活動期間,有關當局就為這個租單車計劃作試驗測試。小編當然第一時間為大家去睇睇啦!

這就是自助租單車的地方!當然,第一日試驗運作,是會有工作人員作指示的。即係 「半自助」 啦!而地方正正就位於之前西九海濱長廊租單車的位置。

近近地睇多次!

單車停泊處旁邊會有一座介紹這個租單車計劃的電腦。而據工作人員透露,此電腦於未來會加入更多功能,包括可以為你所租的單車作定位!十分先進哦!

先 「嘟」 卡,才會開鎖讓你取出單車,與台北 YouBike 相類似。試驗期間,「嘟」 卡的步驟是由工作人員幫忙,而且看上去,工作人員所 「嘟」 的卡看來是專用的。真正開展時,究竟是 「嘟」 八達通還是專用卡?工作人員們也未有答案。

試驗期間,這段出九龍站的單車徑是不可踩的,只可以在 「自由野」 園內踩。而計劃開展後,就可以踩了。而工作人員透露,只要 「自由野」 的工作人員許可,自己的單車亦可進場,小編亦看見有些園內的工作人員踩自己單車呢!

順帶一提,這個自助租單車計劃看來非常受歡迎,只是開始了半小時,20 部單車就已經全數租出!( 可能是免費的關係吧!哈哈!)

還車時,只需把單車車頭的鎖頭位對準單車座,拍入去就可,十分簡單。

關於此計劃,小編亦訪問過有關工作人員,得出以下結果:

  1. 自助租單車計劃於試驗期間免費,但只限使用 90 分鐘。試驗期間可於 「自由野」 場內任踩!咦?即是說,當局默許單車行人共用空間?!這個絕對是香港單車界一個最好的消息!至於試驗期間,會有 20 部單車可供租用。
  2. 自助租單車計劃於明年 ( 2014 年 ) 1 月開展,並預料會有 150 單車可供租用!而單車可以踩到的範圍,除了園外的馬路以外,基本上長廊內,以及接駁九龍站對出的迴旋處的單車徑都可以踩。
  3. 工作人員透露,計劃開展以後的租金仍未落實。所以到時租單車要錢?要幾多錢?未有確實答案。
  4. 至於單車保養方面,工作人員指,單車維修人員會定期檢查供出租之單車,確保單車沒有任何問題。

好,介紹一下主角,我們踩的單車!

這就是計劃供出租的單車!其實是一部十分普通的淑女單車,重量亦不輕,尤其是車頭!但踩落其實比想像中順滑,亦可能因為結構簡單,踩落也沒有聽到花鼓發出聲音,十分寧靜!於西九海濱長廊的平地踩,絕對遊刃有餘!

車頭的鎖位。

車頭儲物籃,可能就是令車頭變重的原因。另外,籃上亦有裝上反光板,但沒有提供車燈。這亦是一個原因為何此單車不可於馬路踩。

右方手把有個轉盤。不是轉波的手把呀,這是一個響鈴!

座椅屬偏厚設計,不怕踩到 Pat Pat 痛!

座通採用快拆設計,方便大家調校座椅高度。

大大隻 「西九文化區」 的字樣印在車架上,你想偷都走不了!

前後都有超大型的泥檔,加上又有鏈蓋保護,一定不會弄污衣服!而後面裝上紅色反光板,不是紅色車燈。

沒有變速,簡簡單單的一部單速車。值得一提的是大齒盤頗細,踩落幾輕腳。

全車最特別可以算是這個後輪鼓剎了!

值得一提的是,預計 2014 年第三季,沙田大學站及科學園都會設有類似的自助租單車計劃,似乎 Bike Sharing 在香港真係出現曙光呢!小編亦有一點補充:既然今次西九海濱長廊都接受單車行人共同分享道路,那麼將來的香港海濱長廊,甚至是香港的行人路、公園等,又為何不歡迎單車呢?

「自由野」 場內有不少攤檔,邊踩單車邊閒逛,都幾寫意!

甚至會有這些特別的 「單車」 攤檔呢!

沙田自助租單車相關新聞:沙田自助租單車 減車流滅碳排放



Share
分享至 facebook

讀者投稿

誠意邀請各位以文字、相片甚至影片,跟大家分享有關單車的事!
題材不限,隨便發揮,內容如路線靚相、經驗之談、遊記趣聞、買車改車等亦可。
內容版權歸作者所有,亦歡迎留下大名 / 筆名,以供萬民歌頌。XDD

投稿方法:請把以下檔案電郵至 submit@15km.hk:
- 內文 (Word / 純文字)
- 圖片 (JPG, 600px 或以上更好)
- 影片 (eg: Youtube link)
- 閣下姓名及聯絡方法

註:15km.hk 保留最終刊登、修改權利;投稿文章皆為作者本人立場。


相關文章
齊齊「踩」亮 IFC 燈飾
齊齊「踩」亮 IFC 燈飾
新界單車路線推介:天水圍至白泥 踩單車睇日落
新界單車路線推介:天水圍至白泥 踩單車睇日落
踩單車召喚夢想 Bike for Another Choice 專訪 - 上集
踩單車召喚夢想 Bike for Another Choice 專訪 - 上集
日本京都單車遊
日本京都單車遊
踩單車去買餸? Tel-O-Porter 幫到你
踩單車去買餸? Tel-O-Porter 幫到你