香港大部份的主人都愛深歸簡出，間中找個窿匿埋一時三刻都是家常便飯。但係外國較開放的社會，一位當地的主人 MJ 零舍 open，估你唔到，竟然鍾意帶住「奴才」出巡。

最近在美國費城，一位「奴才」踩住單車，帶埋主人出街兜風，就片中所見，主人甚為歡喜，周不時開金口舐「奴才」，讚下佢手車都算定。主人亦顯出好奇的天性，時左時右，好似視察民情一樣。

看完這段片，相信大家都可能有兩大問題：首先主人有無扣安全帶之類? 其次有無跌過落地呢? 根據「奴才」RudiElias 轉述，主人既無安全裝置、亦無跌過落地，咦，看來這位主人愛刺激、愛挑戰，真有霸氣!